André (n_true) wrote,
André
n_true

qatlh Amikumu vIghaqta'? qu'mo'!

venglIj luDab tlhIngan Hol jatlhwI' 'ar? vengwIjDaq tlhIngan Hol jatlhlaHbogh cha' nuv neH vISov; jIH jupwI' De'vID je chaH. 'ach chaq Holvam lughoj luneH latlh net Sovbe'. tlhIngan Hol yejHaD ja'chuqmeH jabbI'ID ghomDaq qabDu' law' tu'lu'. qabpaqDaq nughmey tu'lu' je. pa' ja'chuq jatlhwI'pu' 'ej pa' ghojwI'pu' luQaHlu'. 'ach nuqDaq venglIjDaq tlhIngan Hol jatlhwI'pu', ghojwI'pu', ghojqangwI'pu' je. jIjang; Amikumu.

ghogh HablI' nIqHom chu' 'oH Amikumu'e'. DaH wej nIqHomvam tu'lu', 'ach luchenmoHlI' ghunwI'pu' renwI'pu' je. qu'bej Amikumu qatlh 'e' vIHar? toH... pelaDtaH!


  • Hol mI': latlh nIqHommeyDaq cha'maH Hol SamlaH lo'wI', pagh wa'vatlh Hol SamlaH. 'ach nIqHomvamDaq Hoch Hol DaSamlaH. ISO ngoq ghajchugh Hol, HolvamvaD nIqHom Dalu'laH. tlh 'oHmo' tlhIngan Hol ngoq'e', vaj tlhIngan Hol jatlhwI'pu' DaSamlaH.

  • ghomchuqghach: Hol majatlhmeH nuvpu' vIghomlaHchugh, reH vImaS. qo'na'Daq nuvpu' vIghommeH Amikumu vIlo'laHmo' vIQuch.

  • Huch: bIDIlnISbe'. DuHmey HochHom lo'laH Hoch. DIllu'chugh, DuHmey le' lo'laH.

  • povtaHghach: chenmoHwI'pu' vISov. Holmey law' jatlh 'ej Holmey law' jatlhwI'pu' vInDa' chaH. vaj povbej nIqHomvam.



tlhIngan Hol jatlhwI'pu'vaD lI'qu' Amikumu 'e' vIHar. wa'nem nIqHom lutlhabmoHDI', vIjom jIH 'ej De'wIjDaq tlhIngan Hol vIchel.

meqvammo' KickstarterDaq Amikumu vIghaqta'. tlhIHvaD Dajbej 'e' vIQubmo', Saja' vIneH.

Tags: klingon
Subscribe

  • Road to PhD, day 26 of 1081

    Heute ist Mittwoch, der 9. April 2014, bzw. 13.0.1.5.14, 7 Pop, 10 Ix laut Maya-Kalender. Ich bin also schon fast einen Monat hier in der Schweiz und…

  • Computerprobleme

    Ich muss leider zurzeit ohne mein kleines Netbook, an dem ich immer arbeite, auskommen. Das ist sehr schade, weil ich mich so an ihn gewöhnt habe.…

  • 360°-Foto vom Deutschen Platz usw.

    Deutscher Platz, Leipzig Eine 360°-Aufnahme vom Deutschen Platz in Leipzig, links die Nationalbibliothek, rechts das Max-Planck-Institut für…

  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 2 comments