André (n_true) wrote,
André
n_true

qatlh Amikumu vIghaqta'? qu'mo'!

venglIj luDab tlhIngan Hol jatlhwI' 'ar? vengwIjDaq tlhIngan Hol jatlhlaHbogh cha' nuv neH vISov; jIH jupwI' De'vID je chaH. 'ach chaq Holvam lughoj luneH latlh net Sovbe'. tlhIngan Hol yejHaD ja'chuqmeH jabbI'ID ghomDaq qabDu' law' tu'lu'. qabpaqDaq nughmey tu'lu' je. pa' ja'chuq jatlhwI'pu' 'ej pa' ghojwI'pu' luQaHlu'. 'ach nuqDaq venglIjDaq tlhIngan Hol jatlhwI'pu', ghojwI'pu', ghojqangwI'pu' je. jIjang; Amikumu.

ghogh HablI' nIqHom chu' 'oH Amikumu'e'. DaH wej nIqHomvam tu'lu', 'ach luchenmoHlI' ghunwI'pu' renwI'pu' je. qu'bej Amikumu qatlh 'e' vIHar? toH... pelaDtaH!


  • Hol mI': latlh nIqHommeyDaq cha'maH Hol SamlaH lo'wI', pagh wa'vatlh Hol SamlaH. 'ach nIqHomvamDaq Hoch Hol DaSamlaH. ISO ngoq ghajchugh Hol, HolvamvaD nIqHom Dalu'laH. tlh 'oHmo' tlhIngan Hol ngoq'e', vaj tlhIngan Hol jatlhwI'pu' DaSamlaH.

  • ghomchuqghach: Hol majatlhmeH nuvpu' vIghomlaHchugh, reH vImaS. qo'na'Daq nuvpu' vIghommeH Amikumu vIlo'laHmo' vIQuch.

  • Huch: bIDIlnISbe'. DuHmey HochHom lo'laH Hoch. DIllu'chugh, DuHmey le' lo'laH.

  • povtaHghach: chenmoHwI'pu' vISov. Holmey law' jatlh 'ej Holmey law' jatlhwI'pu' vInDa' chaH. vaj povbej nIqHomvam.



tlhIngan Hol jatlhwI'pu'vaD lI'qu' Amikumu 'e' vIHar. wa'nem nIqHom lutlhabmoHDI', vIjom jIH 'ej De'wIjDaq tlhIngan Hol vIchel.

meqvammo' KickstarterDaq Amikumu vIghaqta'. tlhIHvaD Dajbej 'e' vIQubmo', Saja' vIneH.

Tags: klingon
Subscribe

  • My LiveJournal's 12th birthday...

    Happy birthday, dear blog! I know you feel terribly neglected, I know, I know... and I blame Facebook and Jana for it, haha. I write about my day…

  • • Review of 2013 •

    My Review of the Year 2013 January It's already mid-January 2014, but let me tell you what I experienced last year! So I've been to the JES,…

  • Awesome facts about Zürich, Київ and Дружба

    I have four awesome news to present! And neither of them is going to be about Christmas. This Christmas was fairly "ordinary", I'd say. The most…

  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 2 comments