?

Log in

No account? Create an account

Previous Entry | Next Entry

Dochmey QaQ Dochmey qab je

DaHjaj vIghItlhtaHvIS tlhIngan Hol vIlop. qaSpu' Dochmey QaQ law', 'ach 'op Dochmey qab je.

Doch QaQ:
Windows XP ta chu' vIje' rIntaH 'ej DaH Qapqa'taH De'wI'wIj. javmaH DeQ vIDIl, 'ach qech QaQqu' 'oH 'e' vIQub. tagha' De'wI'wIjDaq Qap Skype, DaH ICQ MSN joq vIlo'be'chu' jIH. Trillian vIjombe' 'ej chaq not vIjomqang. muQuchmoHqu' Skype. maja'chuq boneHchugh HIchel! «Vortarulo» 'oH pa' pongwIj'e'.

Doch qab:
wa'maHHu' 'oHvaD qay'mo' luHDaj Heghpu' Moritz vIghro'wIj. rop ghajpu' 'ej muHta' Saj Qel 'e' muja'pu' SoSwI'. DaH vIghro' Hutlh juHwIj. vIghro' chu' wISuq vISovbe'chu'. wa'maH loS ben wa'maH vagh ben ghap boghpu' Moritz. vIghro' qan 'oH, 'ach batlh Heghpu'.

Doch QaQ:
loSHu' AugustusplatzDaq qaStaHvIS CAMPUS 2009 yupma' raS chenmoHpu' Max Planck yejHaD. raSvamDaq HolQeD De'mey cha'pu'. tlhobpu' Bernard Comrie HoD boQ; «Holmey qawHaq Quj DachenmoHlaH'a'?» Qochbe'pu' 'ej vIchenmoHta'. vaQqu' Quj! yupma' Qujpu' puqpu' 'ej pa' poH wItIv Thomas jIH je. loSmaH cha' DeQ vIbajpu'.

Doch qab:
wejHu' GermanyDaq tlhachmey wIvpu' roghvaH. vengHomwIjDaq vIboQ 'e' vISap. qaStaHvIS vagh rep nuvpu'vaD nav vInobpu' 'ej ram qaStaHvIS loS rep tlhach wIvmeH nav lulo'pu'bogh DItogh. Qatlhqu', vImuSqu'! naDev wIvpu' wejvatlh HutmaH chorgh neH, cha'maH chorgh vatlhvI'. wejmaH wa' DeQ vIHevpu' neH 'e' 'oH Doch qab'e'...

Doch QaQ:
jIHvaD paq nobpu' Tina 'ej nItebHa' wIlaD 'e' chuppu'. «Qel» 'oH pongDaj'e'. QaQqu' paq! paqvam QaQ law' «Qunpu' veqlarghpu' je» QaQ puS. Isaac Asimov «qoq naQ» vIlaDtaH je, 'ach vIparHa'qu'be'.

Doch qab:
tlhoy Qu'mey vIghaj. not poH vIghaj. China Hol vIHaDneS. HolQeD vIHaDneS. ghojwI'pu'wI'vaD paQDI'norgh vIvutneS. tugh tlhoghchaj lulopbogh CarolinvaD RobertvaD je nob vIvutneS. MunichDaq lengmaj wInabneS. tugh China no' Hol mu' Segh bopbogh much wIghaj Stephi run jIH je. cha' ghItlhmey vIghItlhneS.

Doch QaQ:
jIHvaD mu'ghom ghItlhta'bogh muchpu' Søren. Texistepec Popoluca Hol mu'ghom 'oH. «dä'» 'oH bIQvaD Holvetlh mu''e'. Daj.

DochHom qab:
rIntaH «Subpu'», 'ay'mey chu' 'angqa'lu'meH poH wIvlu'pu'bogh 'e' vISopbe'.

DochHom QaQ:
'ach DaH pIj «Qaw'Ha'ghach'a' nger» vIbejtaH. jIHvaD luchuppu' Helen Laura je. qu'qu'mo' vItlho'neS, vImuSHa'! :)

Tags:

Comments

( 2 comments — Leave a comment )
ext_174071
Jun. 10th, 2009 07:47 pm (UTC)
Nicht dass ich was verstanden hätte ...
... aber ein Posting, das die Big Bang Theory verlinkt, verdient einen Kommentar. Wie findest Du sie?
n_true
Jun. 12th, 2009 12:30 am (UTC)
Re: Nicht dass ich was verstanden hätte ...
Oh ja, ich guck das grad, das ist ja soooooo lustig! =)
Habe die erste Staffel fertiggeguckt und 9 Folgen der 2 Staffel, die allerdings nicht zusammenhängen.

Eine tolle Serie. :)
( 2 comments — Leave a comment )